Sagnfræðingafélag Íslands og Sagnfræðistofnun boða til málþingsins Hvað er sagnfræði?
Fimm fyrirlesarar leitast við að svara spurningunni Hvað er sagnfræði?
Súsanna Margrét Gestsdóttir, sagnfræðingur og dósent á Menntavísindasviði Háskóla Íslands, flytur erindið „Þátttaka sagnfræðinga í samfélagsumræðu“
Sigurður Gylfi Magnússon, prófessor í sagnfræði við Háskóla Íslands, flytur erindið „Dýrið gengur laust! Örlög hugtaksins Anthropocentric í sagnfræði“
Sólveig Ólafsdóttir, rannsakandi við Sagnfræðistofnun Háskóla Íslands, flytur erindið „Er til eitthvað sem heitir fötlunar(ein)saga?“
Gunnar Þór Bjarnason, sagnfræðingur og rithöfundur, flytur erindið „Fyrir hverja ertu að skrifa?“
Kristín Svava Tómasdóttir, sagnfræðingur og rithöfundur, flytur erindið „Forvitni og agi“
Guðni Th. Jóhannesson, prófessor í sagnfræði og fyrrverandi forseti, lokar málþinginu. Hann var meðal skipuleggjenda og annar ritstjóra fyrirlestraraðarinnar 2006 – 2007 sem tókst á við sama efni. Erindi hans nefnist „Hvað er yfirlit og stutt umfjöllun um Hvað er sagnfræði?“
Hvað er sagnfræði? er spurningin sem Sagnfræðingafélag Íslands bar upp fyrir hartnær 20 árum. Átján frummælendur leituðust við að svara spurningunni með fjölbreyttum hætti í hádegisfyrirlestrum félagsins veturinn 2006 – 2007; sagnfræðingar fluttu flest erindin en einnig svöruðu aðrir fræðimenn spurningunni, auk listamanna, fjölmiðlafólks og eins ráðherra. Afraksturinn var gefinn út á prenti í bókinni Hvað er sagnfræði?
Næstum 20 árum síðar finnst okkur kominn tími til að spyrja aftur sömu spurningar: Hvað er sagnfræði? Hefur eitthvað breyst á tveimur áratugum eða eiga gömlu svörin enn við?
Verið velkomin á málþing Sagnfræðingafélags Íslands og Sagnfræðistofnunar laugardaginn 21. febrúar í Veröld – húsi Vigdísar, Brynjólfsgötu 1, klukkan 12:30 til 16:30.
