Sagnfræðingafélag Íslands er ásamt félaginu Matur -saga – menning og Reykjavíkur Akademíunni einn aðstandenda ráðstefnu sem verður haldin 27. september næstkomandi í Iðnó klukkan 14-17. Ber hún heitið Af hlaðborði aldarinnar. Áfangar og áræðni í íslenskri matarmenningu. Fjallað verður um upphaf veitingasölu, matarmenningu á tímum hafta og skömmtunar, ímynd íslenska eldhússins, tilraunir íslenskra stjórnvalda til að reka veitingastað í London, viðkvæmt salt lambakjöt og fögur fljóð, staðlaðar makkarónur, hugmyndir um hóf og óhóf og að lokum djarfar tilraunir á Búðum til þess að víkja frá hefðbundnum matreiðslumáta.
14:00 Setning málþings – Laufey Steingrímsdóttir, formaður félagsins Matur – saga – menning, býður gesti velkomna.
14:05 Margrét Guðjónsdóttir: Skáli um þjóðbraut þvera. Upphaf greiðasölu á Íslandi.
14:35 Magnús Sveinn Helgason: Hófleg neysla og hóflegt vöruframboð. Hömluleysi og sóun sem vandamál kapítalískra neysluhátta.
15:05 Guðmundur Jónsson: Vísitölubrauðin: Hvernig hið opinbera mótaði brauðsmekk Íslendinga.
15:35 Sólveig Ólafsdóttir: Meyjarhumar og hákarl. Íslenskt matarsetur í Lundúnum.
16:05 Rúnar Marvinsson: Vakning á Búðum. Puntstrá og villibráð
16:35 Umræður.
Fundarstjóri er Unnur María Bergsveinsdóttir, verkefnisstjóri Miðstöðvar munnlegrar sögu .
Í lok ráðstefnunnar efna félögin til hátíðarkvöldverðar í Iðnó og hefst dagskráin með fordrykk kl. 19.00. Gengið verður til borðs kl. 20.00 og á boðstólnum verða sýnishorn af hátíðarréttum liðinnar aldar.
Forréttur:
Dádýracarpaccio með furuhnetum og fetaosti.
Milliréttur:
Rækjukokteill með ristuðu brauði.
Aðalréttur:
Fjallalamb níunda áratugarins.
Eftirréttur:
Bóndadóttir með blæju. Kaffi, koníak eða líkjör
Veislustjóri verður Guðrún Hallgrímsdóttir matvælaverkfræðingur og ræðumaður kvöldsins mun varpa ljósi á mat úr óvæntri átt.
Félagsmönnum gefst kostur á að kaupa miða á hátíðar kvöldverðinn hjá Sólveigu Ólafsdóttur. framkvæmdastjóra Reykvíska eldhússins (solveig@simnet.is s. 8921215) eða Unni Maríu Bergsveinsdóttur framkvæmdastjóra ráðstefnunnar (unnurm@bok.hi.is s. 6910374). Miðaverð er kr. 8.000. Vinsamlega tryggið ykkur miða í tíma þar sem sætafjöldi er takmarkaður.
