Hádegisfyrirlestur Sagnfræðingafélags Íslands
Þriðjudaginn 17. apríl 2007, kl. 12:05-12:55
Þjóðminjasafni Íslands við Suðurgötu
Aðgangur er ókeypis og öllum heimill
Ævar Kjartansson: Sagan sögð í útvarpi.
Vísun í erindi:
Ýmsar sögur eru sagðar í útvarpi. Í 77 ár hefur Ríkisútvarpið, rétt einsog aðrar evrópskar þjóðmenningarstöðvar, verið farvegur margs konar sagna, einkasagna og þjóðarsögu. Þeir sem hafa setið við þetta fljót talaðs máls og tóna, hafa fengið ákveðið yfirlit um samtíð sína og á stundum innsýn í íslenska menningarsögu. En er þessi munnlegi straumur höndlanlegur? Er þessi saga skráð? Eru hljóðrit Ríkisútvarpsins einungis stakir jakar í straumnum sem tilviljanakennt skjótast upp á yfirborðið aftur? Eða er komið að tímamótum? Í fyrirlestrinum verða nokkrir sögulækir greindir og því velt fyrir sér hvort ný tækni, hlaðvarpið (podcast), geri mögulegt að stíga aftur og aftur í sama fljótið.
Höfundur er útvarpsmaður
