Næstkomandi þriðjudag, þann 5. nóvember, mun Sigurjón Baldur Hafsteinsson flytja erindi sem kallast: „Útrýming moldargrena og varðveisla þjóðminja.“ í fyrirlestrarsal
Þjóðminjasafns Íslands. Erindið er hluti af hádegisfyrirlestraröð Sagnfræðingafélags Íslands sem ber yfirskriftina „Hvað eru þjóðminjar?“
Í lýsingu á erindinu segir:
Í fyrirlestrinum verður rakið hvernig torfbærinn er um miðja 19. öld er álitin tákngervingur danskrar kúgunar, hvernig opinberir aðilar um áratuga skeið gera sér sérstakt far um að
útrýma húsagerðinni og loks hvaða þættir það eru sem ráða því að torfbærinn verður að sérstöku viðfangsefni minjavörslunar í landinu. Sérstaklega verður vikið að því hvernig
safnapólitík og umræðan um torfbæinn hefur gengið í gegnum endurnýjun lífdaga í tengslum við vinnu heimsminjaskrárnefndar við að tilnefna torfbæinn til heimsminjaskrár UNESCO.
Fyrirlesturinn hefst stundvíslega klukkan 12.05.
Fyrir hönd Sagnfræðingafélags Íslands,
Guðný Hallgrímsdóttir
