Aðalfundur Sagnfræðingafélags Íslands var haldinn 18. mars, nokkrar breytingar urðu á stjórn og miklar umræður urði í framhaldi af fyrirlestri sem Pontus Järvstad hélt að loknum hefðbundnum aðalfundarstörfum.
Ragnhildur Anna Kjartansdóttir formaður og Þorkell Gunnar Sigurbjörnsson meðstjórnandi létu bæði af störfum. Agnes Jónasdóttir var kosin formaður félagsins. Í stað þeirra sem hættu voru kosnir nýir í stjórn þeir Gunnar Þór Bjarnason og Markús Þórarinn Þórhallsson. Markús hefur áður setið í stjórn félagsins og Gunnar Þór verið í stjórn ýmissa félaga.
Pontus Järvstad hélt fyrirlestur um andfasisma; Grikklandshreyfingar á Norðurlöndum sem beittu sér gegn herforingjastjórninni á Grikklandi 1967 – 1974. Fyrirlesturinn vakti mikinn áhuga viðstaddra og voru líflegar umræður að honum loknum.
Ragnhildur Anna lauk störfum sínum sem formaður með því að gera grein fyrir starfi félagsins á síðasta starfsári. Félagið hélt fundi og málþing, stóð fyrir vorferð og var í samstarfi við AkureyrarAkademíuna og Minjasafn Akureyrar um fyrirlestraröð á upphafsmánuðum ársins.
Agnes gjaldkeri fór yfir reikninga síðasta árs. 184.951 afgangur var af starfi félagsins á síðasta ári. Agnes tók þó fram að útgjaldamestu þættir starfsársins voru eftir áramót og færast því á næsta ársreikning.
Samþykkt var að halda félagsgjaldi óbreyttu. Það er 3.500 krónur.
Að neðan má nálgast ársskýrslu og ársreikning félagsins.
